Roza Baǵlanovanyń 100 jyldyq mereitoiyna kollektsiialyq moneta ainalymǵa shyǵady

Qazaqstan Ulttyq Banki ROZA BAǴLANOVA. 100 JYL kollektsiialyq monetalaryn ainalymǵa shyǵarady.

Monetalardyń satylymǵa shyǵatyn kúnine qatysty aqparat QUB saitynda qosymsha jariialanady.

ROZA BAǴLANOVA. 100 JYL  kollektsiialyq monetalary týraly

Nominaly 100 teńgelik melhiordan soǵylǵan moneta «Este qalatyn oqiǵalar men birtýar adamdar» seriiasyn jalǵastyrady. KSRO halyq artisi, Qazaqstannyń Halyq qaharmany, keńestiń jáne qazaqtyń opera jáne estrada ánshisi Roza Baǵlanovanyń týǵanyna 2022 jyly 100 jyl tolady.

Moneta betiniń (aversiniń) ortalyq bóliginde Qazaqstannyń Memlekettik eltańbasy beinelengen. Eltańbanyń oń jaǵy men sol jaǵynda oiý-órnek elementteri ornalasqan. Monetany ainaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý jazylǵan. Tómengi bóliginen monetanyń nominalyn bildiretin 100 TEŃGE jazýyn kórýge bolady.

Monetanyń ekinshi betinde (reversinde) Roza Baǵlanovanyń sýreti, portrettiń sol jaǵynda mereitoilyq datany bildiretin  100 JYL degen jazý bar. Monetany ainaldyra «Ah, Samara-gorodok» ániniń notalary, ROZA BAǴLANOVA, monetanyń shyqqan jylyn bildiretin «2022» degen jazýlar bar.

Sýretti úlkeitý 

Kollektsiialyq moneta MN25 melhior quimasynan, 15 gramm salmaqta, 33 mm diametrmen, brilliant uncirculated sapada, 100 teńgelik nominalmen 15 000 dana bolyp shyqty.

Moneta kollektsiialyq quny boiynsha satýǵa arnalǵan. Olar Qazaqstan Respýblikasynyń aýmaǵynda barlyq tólem túri boiynsha nominaldy qunyna sai qabyldaýǵa jatady, sondai-aq monetalardy bank shottaryna salyp, aýdarym jasaýǵa, Qazaqstan Respýblikasynyń barlyq bankinde aiyrbastap, usaqtaýǵa bolady.

Kollektsiialyq moneta Qazaqstannyń teńge saraiynda jasalǵan.