22 aqpanda Araldy qutqarý halyqaralyq qorynyń otyrysy onlain rejimde ótti. Qazaqstan tarapynan sharaǵa Premer-Ministrdiń birinshi orynbasary Roman Skliar qatysty, dep habarlaidy "Ult aqparat" primeminister.kz-ke silteme jasap.
Kezdesýde sý resýrstaryn basqarý jáne paidalaný máselelerin sheshýdiń mańyzdylyǵyn túsiný, múddeli elder arasyndaǵy kóp qyrly yntymaqtastyqtyń oń úrdisteri atap ótildi.
Skliar óz sózinde Qazaqstan tarapy Aral teńizine transshekaralyq ózenderdiń aǵynynyń qalyptasý aimaǵynan josparlanǵan ekspeditsiiany qoldaitynyn, sondai-aq osy ekspeditsiiany sátti uiymdastyrý men ótkizýge kómek kórsetýge daiyn ekenin atap ótti. Sonymen qatar irrigatsiia men energetika múddelerin eskere otyryp, óńirdiń sý-energetikalyq resýrstaryn tiimdi paidalaný mehanizmin qarastyratyn Óńirlik sý-energetikalyq konsortsiýmyn qurý máselesin qarastyrý usynylady.
Aral teńizi basseininiń sý sharýashylyǵyn, ekologiialyq jáne áleýmettik-ekonomikalyq jaǵdaiyn jaqsartý qajettiligi turǵysynda qatysýshylar aimaqtyq uiymdardyń rólin kúsheitýdiń jáne aimaqtaǵy barlyq elderdiń qajettilikteri men múddelerin eskere otyryp, sý-energetikalyq resýrstardy paidalaný salasyndaǵy tiimdi sharalardy ázirleýdi jalǵastyrýdyń mańyzdylyǵyn atap ótti.
Araldy qutqarý halyqaralyq qorynyń basqarma otyrysynyń nátijesinde tiisti hattamalar men qujattarǵa qol qoiyldy.
Kezdesýge sondai-aq Tájikstan Respýblikasy men Ózbekstan Respýblikasy Premer-Ministrleriniń orynbasarlary, Túrikmenstannyń Sý resýrstary komitetiniń tóraǵasy, Araldy qutqarý halyqaralyq qoryna múshe elderdiń múddeli vedomstvolarynyń jaýapty qyzmetkerleri qatysty.
