Italiia astanasynda Qazaqstannyń armiia sportshylary eki altyn jáne kúmis medal jeńip aldy. Matteo Pellikonany eske alýǵa arnalǵan kúres túrleri boiynsha halyqaralyq reitingtik týrnir bastaldy.
Oǵan 32 elden 350-den astam sportshylar qatysýda.
Birinshi jarys kúniniń qorytyndysy boiynsha Armiia ortalyq sport klýby sport rotasynyń merzimdi qyzmet áskeri qyzmetshisi efreitor Aidos Sultanǵali (63 kg) jáne sportshy-nusqaýshy Meiirjan Shermahanbet (67 kg) grek-rim kúresinen chempion atandy. Kúmis medaldi áskeri balýan Sultan Ásetuly (63 kg) jeńip aldy.
- Bizdiń sportshylar laiyqty óner kórsetti. Dene daiyndyǵy men sheberlikteri joǵary deńgeide boldy. Aita ketý kerek, finalda 63 kelige deiin salmaqta áskeri sportshylar Aidos Sultanǵali men Sultan Ásetuly bas synady. Týrnirdiń jeńimpazy Aidos Sultanǵali, al kúmis júldeger Sultan Ásetuly atandy,-dep habarlady OSK grek-rim kúresinen komandanyń aǵa jattyqtyrýshysy, Halyqaralyq dárejedegi sport sheberi Nurym Dúisenov.
Esterińizge sala keteiik, bul jarysta olimpiadalyq litsenziialar oinatylmaidy. Jarystar irikteý kezinde eskeriletin sportshylardyń reitingine áser etedi.
