Shyǵys Qazaqstan oblysy Ridder qalasyndaǵy myrysh zaýytynda órt shyqty, dep habarlaidy QazAqparat.
Áleýmettik jelilerde «Kaztsink» JShS-ne qarasty Ridder metallýrgiia kombinaty myrysh zaýytynyń órtenip jatqany týraly video taraǵan.
Kópshilik bunyń ekologiiaǵa orasan ziianyn tigizgenin jazdy. Osyǵan orai ShQO ekologiia departamentiniń ókilderi túsinik berdi.
«Rasymen de 17 mamyr kúni saǵat 06:25-de zaýyttyń skrýbber dep atalatyn gaz tazalaý súzgisinde órt boldy. Órt anyqtalǵan sátte birden bólimshe tolyǵymen toktan ajyratylyp, peshtiń jumysy toqtatyldy. Belgili bolǵandai, skrýbber korpýsy men shynyplastikten jasalǵan gaz qubyrlarynyń bir bóligi janyp ketken», - delingen habarlamada.
Bir saǵattyń ishinde oblystyq TJD qyzmetkerleri tilsiz jaýdy aýyzdyqtaǵan.
«Atalǵan oqiǵanyń mán-jaiyn anyqtaý úshin departament Ridder qalasynyń tótenshe jaǵdailar bólimine hat joldady. Jaýap alynǵannan keiin kináli adamdar jaýapqa tartylady», - delingen aqparatta.
