Ridderde úsh balanyń anasyn aiaýsyz óltirdi degen kúdikti ustaldy, - dep habarlaidy "Ult aqparat" ShQO politsiia departamentiniń baspasóz qyzmetine silteme jasap.
26 tamyzda tańerteń úiinen jumysqa ketken qalalyq ákimdik qyzmetkeri iz-tússiz joǵalǵan. Uialy telefony sóndirýli turǵan áieldi úiinde 8-11 jas aralyǵyndaǵy úsh balasy tosyp jatty.
"Keshke orman alqabynan áieldiń denesi tabyldy. Áiel jumysqa baratyn kezinde joldy qysqartý úshin osy ormannyń ishinen ótken. Onyń máiitinde tunshyqtyrý, pyshaq jaraqattary men zorlyq-zombylyq belgileri bar ekeni anyqtaldy. Oqiǵa ornyna ShQO ortalyǵynan politsiia departamenti, prokýratýra basshylyǵy, sondai-aq kriminaldyq politsiia qyzmetkerleri dereý keldi", - delingen habarlamada.
