Shyǵys Qazaqstan oblysy Ridder qalasynda 8 mln teńge salynǵan seifti urlap ketken 2 adam ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, «102» jedel arnasyna 35 jastaǵy jergilikti turǵyn habarlasqan. Óz sózinde ol saǵat 07.30-09.30 aralyǵynda belgisiz bireýlerdiń tereze arqyly úiine kirip, ishinde altyn saqina, qujattar, 1843 jyly shyǵarylǵan mys monetasy, «Eńbegi úshin» medali jáne 8 000 000 teńge saqtalǵan seifti urlap ketkenin jetkizdi. Osynyń saldarynan keltirilgen materialdyq shyǵynnyń jalpy mólsheri 10 mln teńgeni qurady.
«Jedel-izdestirý sharalaryn júrgizgen politsiia qyzmetkerleri buryn birneshe ret sottalǵan 30 jastaǵy eki jergilikti turǵyndy ustady. Olar urlanǵan múlikti ishinara qaitarǵan. Qazirgi ýaqytta kúdiktiler ýaqytsha ustaý izoliatoryna qamaýǵa alyndy», - dedi ShQO PD bastyǵy Saǵat Mádiev.
Atalǵan fakti boiynsha Qazaqstan Respýblikasy Qylmystyq Kodeksiniń 188-baby 4-bóligine (Urlyq) sáikes sotqa deiingi tergeý amaldaryn bastaldy.
