Foto: Viktor Abakýmov, YK-news.kz
Ridderde 31 úidiń órtenip ketýine kináli er adam sottaldy. Bul týraly ShQO soty málimetinde aitylǵan, - dep habarlaidy Tengrinews.kz agenttigi YK-news.kz portalyna silteme jasap.
10 mamyrda Ridderde iri órt shyǵyp, qalada tótenshe jaǵdai jariialanǵan bolatyn. Orman órtiniń jalpy aýdany 276,4 gektar, materialdyq shyǵyn - 252 472 463 teńge. Sot málimeti boiynsha, er adam otbasymen tabiǵat aiasyna demalýǵa shyǵyp, jalyn órshi bastaǵanda shoshyp ketip, ketip qalǵan.
Oblystyq sottyń baspasóz qyzmeti málimetinshe, órt saldarynan 31 turǵyn úi janyp, 13 úi ýchaskesi aman qalǵan, biraq 37 qosalqy ǵimarat - bir kólik jóndeý sheberhanasy, alty avtokólik jáne basqa da múlik janyp ketken. Eki adam qaza boldy.
"25 mamyrda Ridder qalalyq sotynda 1986 jyly týǵan azamat K.-ǵa qatysty qylmystyq is qaraldy. Is materialdaryna sáikes, K. otbasymen demalysqa shyǵyp, ot jaǵyp, ol tez tarala bastaǵan. Er adam jalyndy óz betimen sóndire almai, qorqyp, qylmys ornynan ketip qalǵan", - delingen habarlamada.
Er adam QK-niń 204-baby 2-bóligi ("Otpen nemese qaýiptiligi joǵary ózge de kózdermen abaisyz jumys isteý arqyly jasalǵan ne aýyr zardaptarǵa ákep soqqan nemese asa iri zalal keltirgen dál sol is-áreket") jáne 104-baby 2-bóligi ("Abaisyzda eki nemese odan da kóp adamdy qazaǵa ushyratý") boiynsha kináli dep tanyldy.
"Sot kinániń abaisyzda jasalǵanyn, jeńildetetin mán-jailardyń bolýyn eskere otyryp, sottalýshyǵa eki jyl 6 aiǵa bas bostandyǵynan aiyrý jazasyn taǵaiyndady", - dep qosty oblystyq sot ókilderi.
Sondai-aq, sot 15 talap aryzdy qarap, olar boiynsha jalpy somasy 125 378 367 teńge shyǵyn óndirilgen.
Úkim zańdy kúshine engen joq.
