Almatyda Pfizer vaktsinasyn saldyrǵan 11 áiel bosandy. Dúniege kelgen nárestelerden eshqandai týabitken aýrý anyqtalǵan joq. Bul týraly Almaty qalasy qoǵamdyq densaýlyq basqarmasynyń basshysy Nariman Tabynbaev aitty, dep habarlaidy QazAqparat.
Onyń aitýynsha, júkti áielderdiń koronavirýsqa qarsy vaktsina alýy – úlken jaýapkershilik.
«Pfizer vaktsinasynyń qaýipsizdigi dáleldengennen keiin Qazaqstanda da júkti áielderge atalmysh ekpe salyna bastady. Pfizer vaktsinasyn saldyrǵan áielden týǵan baladan eshqandai týabitken aýrý anyqtalmady. Áielden qan arqyly balasyna qandai da bir mólsherde antidene beriletini belgili boldy. Vaktsina anany ǵana emes, jańa týǵan sábidi de qorǵaityny dáleldendi», - deidi Nariman Tabynbaev.
Sonymen qatar, ol balada anasy arqyly qalyptasqan antideneniń qansha ýaqytqa deiin kúshinde bolatyny belgisiz ekenin.
«Almatyda Pfizer vaktsinasyn saldyrǵan 11 áiel bosandy. Baladaǵy antidene mólsherin bilý úshin ata-anasynyń ruqsaty kerek», - dedi ol.
