Búgin oblys ortalyǵy Taldyqorǵandaǵy Dostyq úiinde Qazaqstan Respýblikasy Táýelsizdiginiń 25 jyldyǵyna arnalǵan «Táýelsizdik tuǵyry – qoǵamdyq kelisim» atty Qoǵamdyq kelisim keńesteriniń respýblikalyq forýmyna arnalǵan dóńgelek stol formatynda kezdesý ótti. Bul týraly Almaty oblysy ákimdiginiń resmi saity habarlady.
Oǵan QR Parlamenti májilisiniń depýtattary Baqytbek Smaǵul men Iýrii Timoshenko, sondai-aq respýblikamyzdyń 16 óńirinen Qoǵamdyq kelisim keńesteriniń músheleri qatysty. Sharaǵa Qazaqstan halqy Assambleiasy Tóraǵasynyń orynbasary Eraly Toǵjanov tóraǵalyq etti. Jiynda alǵash bolyp Qazaqstan halqy Assambleiasy Almaty oblystyq hatshylyǵynyń jetekshisi Ǵabit Tursynbai sóz alyp, Almaty oblysynda qoǵamdyq kelisim men birlikti nyǵaitý jolynda atqarylyp jatqan jumystar retine toqtaldy.
Osydan keiin, ár óńirden kelgen QHA ókilderi elimizdiń ár oblysynda qoǵamdyq kelisimdi ornatýdaǵy úzdik tájiribelerimen bólisip, jergilikti azamattardyń ózekti máselelerin sheshýge baǵyttalǵan usynystaryn bildirdi.
Forýmda óz oiymen bólisip, tushymdy pikirin ortaǵa salǵan QR Parlamenti Májilisiniń depýtaty Baqytbek Smaǵul óz sózinde: Memleketimizdiń 25 jyldaǵy ósip-órkendep, damýyna, halyqtyń senimine ie bolyp, tynyshtyq pen berekeniń uiytqysa bolý jolynda Qazaqstan halqy Assambleiasynyń sińirgen eńbegi zor. Sonyń ishinde qoǵamdyq kelisim keńesteriniń qoǵamnyń tiregi bolýdaǵy, sondai-aq Qazaqstandy álemge birligi men yntymaǵy jarasqan memleket retinde tanytý turǵysyndaǵy Elbasymyzdyń saiasatyn júrgizýdegi mańyzy erekshe.
Respýblikalyq forýmnyń óz bastaýyn kieli Jetisý jerinen bastaýyn alǵandyǵy jáne barlyq igi isterdiń Qazaqstan halqy Assambleiasynan bastamasymen qolǵa alynyp jatqandyǵy qýantady. Mediatsiia, qoǵamdyq, aqsaqaldar, analar keńesteri, mine osy bastamalardyń barlyǵynyń túpki maqsaty – bizdiń ulttyq qundylyqtary ortaq, birligi jarasqan bir tutas el ekenimizdi tanytý. Sol úshin bizder qai jerde júrsek te Assambleianyń tyndyrymdy jumystaryn aityp júrýge tiispiz, - dep oiyn qorytty.
Búgingi basqosýdy qorytyndylaǵan Qazaqstan halqy Assambleiasy Tóraǵasynyń orynbasary E.Toǵjanov jiyn barysynda sóz bolǵan ár óńirde qolǵa alynǵan jaqsy bastamalardyń ózge óńirlerge úlgi bolyp, árbir eldi-mekende óz jalǵasyn tabatyndyǵyna senim bildirdi.
Osylaisha keńes múshelerine qoǵamdyq turaqtylyq pen kelisimdi nyǵaitý jolyndaǵy jumystardy odan ári jalǵastyrýdy tapsyra otyryp, dóńgelek ústelge qatysýshylardy Respýblikalyq forým aiasynda Qazaqstan Respýblikasynyń memlekettik hatshysy Gúlshara Ábdihalyqovanyń qatysýymen oblystyq ákimdik ǵimaratyndaǵy ótetin kezdesýge shaqyrdy.
