Bas múfti Naýryzbai qajy Taǵanulynyń buiryǵymen Qazaqstan musylmandary dini basqarmasy janyndaǵy Respýblikalyq Bas meshitke imam taǵaiyndaldy.
«Búgin Bas múfti Bas meshit jamaǵatyna imamdy tanystyryp, buiryǵyn oqyp berdi. «QMDB janyndaǵy respýblikalyq Bas meshitke Qydyrmin Qanat Qoianbekuly imam bolyp taǵaiyndalsyn» delingen QMDB tóraǵasy Naýryzbai qajy Taǵanulynyń buiryǵynda», - dep jazdy QMDB baspasóz hatshysy Aǵabek Qonarbaiuly Facebook paraqshasynda.
Bas múfti Qanat Qydyrminniń dini saladaǵy bilimi men tájiribesin airyqsha atap, jańa jumysyna sáttilik tilep, igi isterine duǵa jasady.
Aita ketsek, Qanat Qoianbekuly osyǵan deiin Aqmola oblysynyń bas imamy, "Áziret Sultan" meshitinde naib imam, ustaz bolyp jumys istedi. Sonymen qatar, QMDB janyndaǵy "Zeket jáne qaiyrymdylyq" qorynyń direktory qyzmetin atqardy.
