Túrkistanda 25 qazan – Respýblika kúni merekesine orai «Jasa, jaina Qazaqstan!» saltanatty is-sharasy uiymdastyryldy. «Qyran elim – Qazaqstan» horeografiialyq-sazdy teatrlandyrylǵan qoiylymmen ashylǵan merekelik keshte ulttyq merekeniń mán-mazmuny jan-jaqty aishyqtaldy. Túrkistan oblysynyń ákimi Darhan Satybaldy kópshilikti Respýblika kúnimen quttyqtap, táýelsizdiktiń baǵa jetpes qundylyq ekenin aitty.
«Barshańyzdy Respýblika kúni merekesimen shyn júrekten quttyqtaimyn. Bul merekeniń máni airyqsha. Memleket basshysy Qasym-Jomart Toqaev Ulytaýda ótken birinshi quryltaida Respýblika kúnine ulttyq mereke mártebesin qaitarýdy usyndy. Biyl, 25 qazan – ulttyq merekege ainalyp, Respýblika kúni bolyp bekitildi. Álemde tili, dini, mádenieti bar bolsa da, táýelsizdik ala almai júrgen ulttar kóp. Bul rette basqa qonǵan baqty baǵalaǵan jón. Qazaqstan Respýblikasynyń turaqtylyǵyn saqtaý, damytý – barshamyzdyń mindetimiz. Myzǵymas birlik pen izgi tirligimiz arqyly Jańa Qazaqstandy damytýǵa atsalysa bereiik. Túrkistanymyz túrlenip, Qazaqstanymyz gúldene bersin», – degen Darhan Satybaldy eldi damytýǵa úles qosqan bir top azamatqa memlekettik marapattardy tapsyrdy.
Atap aitsaq, Túrkistan óńiriniń eńbegimen daralanǵan azamattaryna «Parasat», «Qurmet», III dárejeli «Eńbek Dańqy» ordenderi usynyldy. Sonymen birge «Eren eńbegi úshin», «Erligi úshin», «Shapaǵat» medaldary men Qurmet Gramotalary da óz ielerin tapty.
Respýblika kúnine arnalǵan saltanatty jiynda oblys ákimi óńirde atqarylǵan jumystarǵa toqtalyp, aldaǵy josparlardy da baiandady.
«Táýelsizdigimizdiń arqasynda elimiz órkendep, tarihymyz dáripteldi. Sonyń bir dáleli – Túrkistan oblysynyń qurylýy. Túrkistan qalasynyń tarihi róline mán berilip, rýhani ortalyqqa ainaldy. 4 jylda oblystyń áleýmettik-ekonomikalyq damý qarqyny arta tústi. 2018 jylmen salystyrǵanda jalpy óńirlik ónim 1,6 esege artyp, kólemi 2 trln. 796 mlrd. teńgeni qurady. Biyl ony 3 trln. teńgege jetkizýdi kózdep otyrmyz. Aldaǵy ýaqytta baǵdarymyzdy ózgertip, kúshti oblystyń ónerkásip áleýetin damytýǵa baǵyttaýymyz qajet. Búgingi tańda oblys úshin mańyzdy birneshe iri jobany iske asyrý josparlanýda. Jalpy oblysta ónerkásipti damytýǵa barlyq múmkindikter bar. Aýdan, qalalarda indýstrialdy aimaqtar ashylǵan. Sonymen qatar óńirge investorlar tartý maqsatynda Túrkistan qalasy aýmaǵynda «Turkistan» arnaiy ekonomikalyq aimaǵy qurylǵan. Osyǵan bailanysty jergilikti biznes ókilderin jańa jumys jáne óndiris oryndaryn ashýǵa atsalysýǵa shaqyramyn. Biz tiisti jer ýchaskesin bólip, qajetti infraqurylymdy tartýǵa jáne basqa da jeńildiktermen qoldaý kórsetýge daiynbyz», – dedi Darhan Satybaldy.
«Kongress holl» kesheniniń zamanaýi kontsert zalynda ótken merekelik keshte oblystyń ónerpazdary jáne «VOICE OF TURAN» baiqaýynyń júldegerleri, sonymen birge elge tanymal estrada juldyzdary otanshyldyq baǵyttaǵy ánderdi shyrqap, bishiler óz ónerlerimen kórermenderdi serpiltti. Táýelsizdik, Otan, birlik, otanshyldyq uǵymdary án men jyrǵa arqaý etilip, ulttyq aspaptardan rýhty oiatatyn kúi tógildi.
Jalpy Respýblika kúnine orai Túrkistanda 1200-den astam is-shara ótkizý josparlanǵan. Búginde basym bóligi ótilip úlgergen.
