Respýblika boiynsha 4 763 ruqsat etilmegen qoqys úiindisi anyqtaldy, dep habarlaidy "Ult aqparat" QR Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
Statistikany eskersek bul problemany sheshý barlyq múddeli uiymdardy, onyń ishinde qoǵamdy tarta otyryp, túbegeili sharalardy qoldanýdy talap etedi. Buǵan deiin Memleket basshysy QR Úkimetiniń sońǵy keńeitilgen otyrysynda osyndai tapsyrma bergen bolatyn jáne ony oryndaý sheńberinde Ekologiialyq retteý jáne baqylaý komitetimen Orman sharýashylyǵy jáne janýarlar dúniesi komitetiniń, sondai-aq Aqparat jáne qoǵamdyq damý ministrliginiń qatysýymen ruqsat etilmegen qoqys úiindilerin anyqtaý jáne olardyń paida bolýynyń aldyn-alý boiynsha aýqymdy is-shara uiymdastyryldy.
Birinshi reid biyl 24 maýsymda bastaldy jáne ony bir mezgilde bes iri óńir: Qaraǵandy, Pavlodar, Almaty, Aqmola jáne Shyǵys Qazaqstan oblystary ótkizdi.
Rekreatsiialyq aimaqtarǵa ekologiia departamentteriniń, ákimdikterdiń, jergilikti politsiia qyzmetiniń ókilderi jáne 30-dan astam ekovolonterler shyqty.
Bir kúndik jumys nátijesinde 20 zańsyz qoqys orny anyqtaldy, olardyń 13-i sol kúni joiyldy. Sonymen qatar, 6 eskertý berilip, 10 AEK kóleminde ákimshilik aiyppul salyndy.
Esterińizge sala keteiik, bul reidtik is-sharalardyń bastamasy ǵana. Apatty úiindilerin joiý kestesi aǵymdaǵy jyldyń qyrkúiek aiynyń sońyna deiin barlyq óńirlerge merzimdi saparlardy qarastyrady. Keiingi reidterdiń nátijeleri qosymsha jariialanatyn bolady.
