Atyraýdyń Reseimen shekaradaǵy Qurmanǵazy aýdanynda eki eldi meken qurylady, - dep habarlaidy Tengrinews.kz agenttigi "Moi Gorod" basylymyna silteme jasap.
Basylym málimetinshe, 468 jer telimine eseptelgen jobanyń quny bir milliard 550 million 645 myń teńge. Merdiger - "Qaraǵandy joldary" JShS. Kompaniia injenerlik-kommýnikatsiialyq infraqurylym qurylysyn tolyǵymen aiaqtady.
Kezekte turǵan azamattarǵa turǵyn úi salý úshin 0,1 gektar jer telimin berýge ýáde berildi.
"Qurmanǵazy aýylynda 2016 jyldan beri 2000-ǵa jýyq ótinish berýshi kezekte tur. Turǵyndar kezekpen jer alyp jatyr, 60 ótinish berýshi jer telimderin alyp úlgerdi. 120 turǵynǵa jer kezegimen beriledi", - dedi aýdandyq qurylys, sáýlet jáne qala qurylysy bólimi basshysynyń mindetin atqarýshy Renat Nuǵmanov.
Aldaǵy ýaqytta aýdandaǵy jańa eldi mekender qataryna Bolashaq jáne Shipajai shaǵyn aýyldary da qosylady, dep jazady basylym.
