Reseilik JOO-lardyń qazaqstandyq stýdenterine sessiiany qashyqtan tapsyrýǵa ruqsat etildi. Bul týraly Qazaqstannyń Reseidegi elshiliginiń resmi saitynda habarlandy.
«Qujat talaptaryna sáikes, 2021/2022 oqý jyldarynda reseilik joǵary oqý oryndary Biryńǵai biometriia júie (BBJ) arqyly aralyq attestatsiiany qashyqtan tapsyra alady. Bul format bakalavriat, mamandaný men magistratýra siiaqty baǵdarlamalar boiynsha bilim alatyn stýdentterge qoljetimdi. Sheshimdi JOO basshylyǵy qabyldaidy. Sonymen qatar stýdenttiń óziniń de kelisimi qajet. Mundai format Qazaqstandy qosa alǵanda qashyqtan bilim alyp jatqan stýdentterdiń sessiiany joǵary oqý ornyna kelmei-aq tapsyrýyna múmkindik beredi»,-delingen RF úkimeti qaýlysynyń mátininde.
Biryńǵai biometriialyq júie biometriialyq jeke málimetterdi óńdeý, jinaý jáne saqtaý, sondai-aq olardy tekserip, JOO-ǵa jiberý jumystaryn júzege asyrady. Bul protses barynsha qarapaiym. Aldymen stýdentter BBJ-ge tirkelýi qajet. Emtihan tapsyrar aldynda olar proktoring protsedýrasynan ótýi kerek. Júie qoldanýshynyń qimy-qozǵalysyn este saqtap, ony adam retinde tirkeidi. Budan ári málimetter qorǵalǵan arnalar boiynsha JOO-ǵa jiberiledi. Stýdenttiń aty-jóni rastalǵan jaǵdaida ol emtihanǵa jiberiledi.
