Krasnodar soty qazaqstandyq munaidyń negizgi kólemi tasymaldanatyn Kaspii qubyr konsortsiýmynyń jumysyn bir aiǵa toqtatý týraly sheshimniń kúshin joidy, dep habarlaidy Sputnik Qazaqstan.
Novorossiisk qalasy Primorsk aýdandyq soty "Kaspii qubyr konsortsiýmy - R" AQ-ǵa 30 kúnge qyzmetin toqtatý turý túrinde ákimshilik jaza kesken bolatyn. Krasnodar ólkesiniń soty osy sheshimge qatysty apelliatsiialyq shaǵymdy qarady.
Materialdardy qarap, taraptardyń dálelin tyńdaǵan apelliatsiialyq satydaǵy sot "Kaspii qubyr konsortsiýmy - R" AQ-ǵa 200 myń rýbl kóleminde ákimshilik aiyppul sala otyryp, aýdandyq sottyń qaýlysyn ózgertti. Qaýly zańdy kúshine endi.
Kompaniia "KQK-R" úzdiksiz tsikldi kásiporyn ekenin, onyń qyzmetin shuǵyl toqtatý óndiristik protsess úshin qaitymsyz saldarlarǵa ákep soǵýy múmkin ekenin eske saldy. Óitkeni munai tasymaldaýǵa qoiylatyn tehnologiialyq talaptar óndiristik qyzmetti mezette jáne bir mezgilde toqtatýǵa múmkindik bermeidi.
Kaspii qubyr konsortsiýmynyń iri aktsionerleri – "Transneft" (24 paiyz) jáne "QazMunaiGaz" (19 paiyz). Uzyndyǵy 1 511 shaqyrym bolatyn Teńiz – Novorossiisk qubyry arqyly Qazaqstannyń barlyq eksporttyq munaiynyń úshten ekisi jetkiziledi.
