Reseilik saiasi ǵylymdar kandidaty Edýard Solovev Qazaqstan Prezidenti Qasym-Jomart Toqaevtyń júrgizip otyrǵan saiasatynyń ereksheligi týraly oiyn bildirdi, dep habarlaidy QazAqparat.
«Qasym-Jomart Kemelulynyń júieli pozitsiiasy men saiasaty sailaý kampaniiasynan beri baiqalǵan. Onyń ásirese, 2 qyrkúiektegi Qazaqstan halqyna Joldaýy meniń erekshe esimde qaldy. Onyń Joldaýy saiasi bólimnen bastalady. Toqaev Qazaqstan aldyndaǵy jalpy tendentsiiany túsinetin úlken saiasatker. Óz eliniń aldynda naqty problemalar turǵanyn ol jaqsy uǵynǵan», - dedi Edýard Solovev elordadaǵy Ortalyq kommýnikatsiialar qyzmetinde ótken «Qasym-Jomart Kemeluly Toqaev Prezidenttigi: alǵashqy 100 kún – maqsattar, qadamdar, taktikasy» atty dóńgelek ústel otyrysynda.
Saiasatker óz sózinde Memleket basshysy qoǵamdyq-saiasi júieni jańǵyrtýǵa basymdyq bergenin erekshe atap ótti.
«Qazaqstan Prezidenti qazaq qoǵamynyń kemeldengenin, eldiń jetistikteri men tabystaryn esepke ala otyryp, ekonomikalyq reformalardy jalǵastyrýdy kózdeidi. «Eldi qoǵamdyq-saiasi turǵyda jańǵyrtpai turyp, tabysty ekonomikalyq reformalardy júrgizý múmkin emes» degen sózinde úlken mán jatyr. Bul rette, onyń sózinen azamattyq qoǵamdy damytýǵa barynsha basymdyq bergeli otyrǵanyn, azamattyq qoǵamdy eldegi máselelerdi sheshýge barynsha jumyldyrǵysy keletinin kóremiz», - dedi Edýard Solovev.
