Rospotrebnadzor Epidemiologiia Ortalyq ǴZI direktorynyń orynbasary Natalia Pshenichnaia aldaǵy ýaqytta koronavirýs juqtyrǵandar sany azaiýy múmkin ekendigin aitty, dep habarlaidy TASS agenttigi.
Onyń aitýynsha, kóktemniń sońyna qarai koronavirýs infektsiiasymen aýyrý deńgeii naýryzda baiqalyp otyrǵan statistikamen salystyrǵanda azaiýy múmkin. Ol úshin adamdar barlyq erejelerdi saqtap, koronavirýsqa qarsy ekpe saldyrtýy tiis.
«Qazirgi kezde bosańsymai, qorǵanys sharalaryn saqtaý, vaktsinalaý qarqynyn ósirý mańyzdy. Mundai jaǵdaida kóktemniń sońynda biz aýrýǵa shaldyǵý deńgeiiniń naýryzdaǵy qazirgi kórsetkishtermen salystyrǵanda odan da tómendeýin kórýimiz ábden múmkin», - dedi ol.
Pshenichnaia Reseide qazirgi kezde jaǵdai turaqtalǵanyn atap ótti. Onyń sózinshe, COVID-19 juqtyrýdyń kún saiyn anyqtalǵan oqiǵalarynyń sany sońǵy eki aptada táýligine 11 myńnan aspaidy. Mamannyń aitýynsha, buǵan keńes etilgen aldyn alý sharalaryn saqtaý, vaktsinalaý naýqany, sondai-aq turǵyndardyń bir bóliginde koronavirýsqa qarsy immýnitettiń qalyptasqany septigin tigizip otyr.
Alaida ol kóktemde jylymyq, batpaq, jańbyr jáne ylǵaldy aýa raiynyń áserinen aýrýǵa shaldyǵýdyń táýliktik aýytqýy baiqalýy múmkin ekenin qosyp ótti.
Jyl basynan beri álemde 121,8 mln adam koronavirýs juqtyrǵan, 2,7 mln jýyq adam qaitys boldy. Koronavirýsqa qarsy kúres júrgizý federaldyq shtabtyń málimetinshe, Reseide aýrý juqtyrýdyń 4 437 938 oqiǵasy tirkelgen, 4 049 373 adam saýyǵyp shyqty, 94 267 adam qaitys boldy.
