Reseilik mys kompaniiasy Jetisý men Abai óńirlerindegi eki ken ornyn igerýge nietti, dep habarlaidy Ulysmedia.kz Úkimettiń baspasóz qyzmetine silteme jasap.
«Men Reseidiń mys kompaniiasynyń prezidenti Vsevolod Levinmen taý-ken metallýrgiia salasyndaǵy jańa jobalardy júzege asyrýdy talqyladym. Levin RMK-nyń Aqtóbe oblysyndaǵy óndiristik qyzmeti, sondai-aq Jetisý oblysyndaǵy Kóksai jáne Abai oblysyndaǵy Aidarly ken oryndaryndaǵy jobalardy júzege asyrý josparlary týraly aitty» dep habarlady premer-ministr Álihan Smaiylov.
Premer-ministr Qazaqstan úshin Kóksai men Aidarly ken oryndaryn igerýdiń mańyzy zor ekenin atap ótti.
«Smaiylov Qazaqstannyń tek óndirýge ǵana emes, shikizatty odan ári óńdeýge jáne joǵary qosylǵan quny bar ónim óndirýge de múddeli ekenin atap ótti» dep tolyqtyrdy Úkimet.
