Máskeýde Qazaqstannyń Reseidegi Elshisi Ermek Kósherbaev TASS Aqparattyq agenttigi bas direktorynyń birinshi orynbasary Mihail Gýsmanǵa 2-dárejeli «Dostyq» ordenin tapsyrdy, dep habarlaidy "Ult aqparat" Qazaqstannyń Reseidegi Elshiligine silteme jasap.
Memleket basshysy Qasym-Jomart Toqaevtyń Jarlyǵyna sáikes reseilik jýrnalist «Qazaqstan Respýblikasy men Resei Federatsiiasy arasyndaǵy qatynastardy damytýǵa qosqan úlesi úshin» joǵary marapatpen marapattaldy.
Mihail Gýsman joǵary nagrada úshin Qazaqstan Respýblikasynyń basshylyǵyna rizashylyǵyn bildirip, óziniń áriptesterimen birge eki el arasyndaǵy aqparattyq saladaǵy yntymaqtastyqty damytý jáne nyǵaitý úshin qoldan kelgenniń bárin jasaitynyna sendirdi. Sonymen qatar ol qazaqstandyqtardy kele jatqan Naýryz Meiramy merekesimen quttyqtap, elge tynyshtyq pen baq-bereke tiledi.
«Dostyq» ordeni – qoǵamdaǵy ózara kelisimdi saqtaý jónindegi jemisti jumysy, halyqtar arasyndaǵy beibitshilikti, dostyq pen yntymaqtastyqty nyǵaitýǵa sińirgen eńbegi úshin beriletin Qazaqstan Respýblikasynyń eń joǵary nagradalarynyń biri.
