Astrahan oblysyna jumys sapary aiasynda Qazaqstannyń Reseidegi Elshisi Ermek Kósherbaev Volodarsk aýdany, Altynjar aýylyndaǵy Qurmanǵazy atyndaǵy óńirlik mádeni ortalyqqa bardy, dep habarlaidy "Ult aqparat".
Diplomatiialyq ókildiktiń baspasóz qyzmetinen habarlaǵandai, Kósherbaev jergilikti qazaq qoǵamdyq birlestikteriniń ókilderimen kezdesti. Otandastardy tolǵandyratyn, eń aldymen, qazaq tilin úirenýge qatysty ózekti máseleler qozǵaldy. Astrahandaǵy QR Bas konsýldyǵynyń basshysy Taýboldy Úmbetbaev óńirdiń mádeniet jáne týrizm ministri Olga Prokofevaǵa qazaq tili synyptary bar eki mektepte onlain oqytý úshin «Otandastar» qorynyń qoldaýymen satyp alynǵan kompiýterlik tehnikany tapsyrdy.
Esterińizge sala keteiik, Ortalyq 2005 jyly qazaqtyń uly kúishisi, dombyrashy-kompozitor Qurmanǵazy kesenesiniń janynda ashylǵan bolatyn. Osy ýaqyt ishinde keshen jyl saiyn álemniń túkpir-túkpirinen myńdaǵan qajy jáne týrister keletin aimaqtyń mańyzdy týristik ornyna ainaldy.
