Belgili ekonomist Jaras Ahmetov Resei sotynyń Kaspii qubyr kontsortsiýmyn jabýy týraly sheshimine bailanysty pikir bildirdi, dep habarlaidy Ulysmedia.kz.
«Munai tasymaldaýdyń balama joldaryn jasaý qajet boldy ma, joq pa dep aitysyp jatqandarǵa aitarym: 2014 jylǵa deiin KTK jáne Transneft balama qajet etpeitin senimdi baǵyttar boldy. Biraq 2014 jyly kenet Pýtin tek boljap bolmaityn adam ǵana emes, sonymen qatar messiandyq kemshiligi bar saiasatker ekeni anyq boldy. Bul KTK men Transneft kez kelgen sátte senimsiz baǵytqa ainalýy múmkin degen úlken qaýip bar degendi bildiredi. 2014 jyldan bastap munaiymyzǵa balama joldar jasaý qajet edi», - deidi Ahmetov áleýmettik jelide.
Onyń jazýynsha, ásirese sybailas jemqorlyq quramdas bóligin eskergen kúnniń ózinde ekonomikalyq jaǵynan KTK men Transneftden asyp túsetin qymbat joba ońai soqpas edi.
«Bir qyzyǵy, balamaly joldar qolǵa alynbaǵan. Óitkeni bizdiń memleket megajobalardy jaqsy kóredi. Eń jaqsy sheshim – munai táýeldiliginen qutylý. Biraq nashaqordyń óz-ózine ant bergeni siiaqty, bizdiń úkimet «erteń tastaimyn» dep ýáde beredi. Biraq qutylmaidy», - deidi ol.
Eske sala ketsek osydan birneshe kún buryn Novorossiiskiniń Primorskii aýdandyq soty ekologiialyq zańbuzýshylyqtarǵa bailanysty Kaspii qubyr konsortsiýmynyń (KQK) qyzmetin toqtatyp tastaǵan. Konsortsiým qyzmeti 5 shildeden bastap 30 táýlikke toqtamaq.
Sol kúni Úkimet basshysy Álihan Smaiylov Kaspii qubyr konsortsiýmy qyzmetiniń ýaqytsha toqtap qalýyna bailanysty jedel keńes ótkizgen bolatyn.
