Prezident Qasym-Jomart Toqaev Úkimettiń keńeitilgen otyrysynda Resei naryǵynan ketip jatqan sheteldik kompaniialardyń Qazaqstanda jumys isteýine jaǵdai jasaýdy tapsyrdy, dep habarlaidy QazAqparat.
«Biz investitsiialyq kapital úshin jahandyq kúres bolyp jatqanyna kýá bolyp otyrmyz. 1 400 sheteldik iri kompaniianyń teń jartysy jumysyn toqtatyp, Resei naryǵynan ketti. Úkimetke Qazaqstanda solardyń qolaily relokatsiiasyna jaǵdai jasaý kerek. Bul bizge orta jáne joǵary bólinistegi taýarlardyń óndirisin arttyrýymyzǵa múmkindik beredi.
Men Úkimetke qaita óńdeý ónerkásibindegi investitsiialyq jobalardyń pýlyn ázirlep, olardy áleýetti investorlarmen birge pysyqtaýdy tapsyrǵan bolatynmyn. Bul jumys áli kúnge deiin májilister men kezdesýler rejiminde júrip jatyr. Naqty nátijeler ázirge az, maqtanarlyq kórsetkish joq. Shyndap kelgende jańa jobalar joq», - degen Memleket basshysy bul máseleniń suraýy ákimder men ministrlerden de bolatynyn eskertti.
«Taǵy qaitalap aitam, bárinen buryn jobalar óńirlerde de, jergilikti oryndarda iske asyrylady. Sondyqtan, oǵan investitsiia tartyp, túpkilikti nátijege jetý jóninde ákimderden de ministrlerden siiaqty suraý bolady», - dedi Qasym-Jomart Toqaev.
