QR Qarjy ministrligi Memlekettik kirister komitetiniń saýdalyq emes ainalymdar basqarmasynyń bas sarapshysy Nurlan Namysov Reseiden ákelingen kólikterdi paidalaný jónindegi kedendik talaptar týraly málimet berdi, dep habarlaidy QazAqparat.
«Eýraziialyq ekonomikalyq kodekstiń 264-babynyń 1-tarmaǵy boiynsha, shetelden jeke paidalaný úshin áklengen kólik quraldaryn Eýraziialyq ekonomikalyq odaq aýmaǵynda bir jyl kóleminde ǵana júrýge ruqsat berilgen. Mysaly, shetel azamattary bizdiń elge óz kóligimen jumys baby boiynsha nemese basqa sebeptermen kelse, osy bapqa súienip, Qazaqstan aýmaǵynda bir jyl júre alady. Osy baptyń 6-tarmaǵy boinysha shetel azamattary bul kólikpen ózderi ǵana júre alady. Iaǵni, deklaranttyń ózine ǵana júrýge ruqsat berilgen. Qazaqstan azamttaryna senimhatpen nemese basqa jolmen berýge bolmaidy», - dedi ol beinekonferentsiia formatynda ótken onlain brifingide.
Komitet sarapshysynyń túsindirýi boiynsha, qazaqstandyqtar mundai kólikterdi paidalaný úshin búkil kedendik alym-calyqtardy tólep, memlekettik tirkeýge qoiaǵannan keiin ǵana tizgindei alady.
«Mundai kólik quraldaryn Qazaqstan azamattary satyp alǵan jaǵdaida kólikke qatysty kedendik bajdar men salyqtardyń bárin tólep, tiisti deklaratsiiasyn tapsyryp qana memlekettik tirkeýge qoia alady», - dedi Nurlan Namysov.
