Reseidiń Ýlianovsk oblysy Nikolaevsk aýdanynda bolǵan jol apatynda qaza bolǵan 16 adamnyń 14-i qyrǵyzstandyq ekenin anyqtaldy, - dep habarlaidy Tengrinews.kz agenttigi Qyrǵyzstannyń Reseidegi elshiliginiń baspasóz qyzmetine silteme jasap.
Vedomstvonyń málimetinshe, júk kóligi toqtap turǵan shaǵyn avtobýsty soqqan. Saldarynan ol eki júk kóliginiń arasynda qalyp qoiǵan.
"Aldyn ala málimet boiynsha, oqiǵa saldarynan 16 adam qaza tapty, onyń 14 - qyrǵyzstandyq, ekeýi - reseilik. Aýrýhanaǵa jatqyzylǵan úsh adamnyń azamattyǵy anyqtalyp jatyr", - delingen habarlamada.
Qyrǵyzstan elshiligi qaza bolǵandardyń týystary men zardap shekken azamattar úshin "jedel jeli" uiymdastyrdy: +7 (926) 861 50 98.
