Foto: ashyq derekkóz
Reseide metallýrgiialyq kombinat aýmaǵynda eki qazaqstandyq qaza tapty, dep habarlaidy Ult.kz.
Qaiǵyly oqiǵa "Severstal" kompaniiasynyń negizgi aktivi sanalatyn Cherepovets metallýrgiialyq kombinatynyń (CherMK) ónerkásiptik alańynda bolǵan
"14 qańtarda CherMK óndiristik alańynyń aýmaǵynda merdiger uiymdardyń eki qyzmetkeri – Qazaqstan azamattarynyń denesi tabyldy. Qazirgi ýaqytta ólim sebepteri tergelip jatyr. Oqiǵa ornynda arnaiy qyzmetter jumys isteýde. Qyzmetkerlerdiń týystaryna tereń kóńil aitamyz", – delingen "Severstal" kompaniiasynyń habarlamasynda.
Vologda oblysy boiynsha Reseide Tergeý komitetiniń málimetinshe, oqiǵa ornynda jedel-tergeý toby jumys istep jatyr. Bolǵan jaǵdaidyń sebepteri anyqtalýda.
