Reseide bokstan Sankt-Peterbýrg gýbernatorynyń kýbogynda búgin eki qazaqstandyq jartylai finalǵa joldama aldy, dep habarlaidy "Ult aqparat" Qazaqstan boks federatsiiasyna silteme jasap.
Alǵashqy joldama 60 keli salmaqta tústi. Qazaqstandyq Beknur Ojanov úndistandyq Varinder Singhti jeńdi.
Al 69 kelide Aslanbek Shymbergenov tailandtyq Výtichai Masýkty tize búktirdi. Osylaisha jartylai final joldamasyna qol jetkizdi.
Halyqaralyq týrnirde búgin 81 keli salmaqta Bekzat Nurdáýletov ózbek boksshysy Dilshod Rýzmetovpen qolǵap túiistiredi.
