Resei Federatsiiasynyń Prezidenti Vladimir Pýtin COVID-19 virýsymen tiimdi kúresý úshin buryn engizilgen «jumyssyz kúnder» rejimin uzartatynyn jariialady, dep habarlaidy "Ult aqparat".
«El boiynsha jariialanǵan jumyssyz apta, sonymen qatar kóptegen oblystardyń turǵyndary úshin usynylǵan oqshaýlaný rejimi bizge epidemiiaǵa barynsha qarsy turý úshin aldyn alý sharalaryna barlyq bilik organdaryn jumyldyrýǵa jáne densaýlyq saqtaý júiesiniń resýrstaryn kóbeitýge múmkindik berdi», - dedi V.Pýtin Resei halqyna teleúndeýinde.
Sondai-aq Resei kóshbasshysy álemde, sonyń ishinde Reseide indettiń órshýi áli de toqtamaǵanyn atap ótti.
«Osyǵan bailanysty 30 sáýirdi qosa alǵanda, aidyń sońyna deiin jalaqysy saqtalatyn jumyssyz kúnder rejimin uzartý týraly sheshim qabyldadym», - dep málimdedi V.Pýtin.
