Qazaqstan, Ázerbaijan, Iran, Túrikmenstan men Reseidiń buqaralyq aqparat quraldarynyń ókilderi mereitoilyq V Kaspii mediaforýmyna qatysady.
Kaspii mediaforýmy – bul tájiribe almasýǵa, óńirlik jáne halyqaralyq jýrnalistikany damytýdyń jańa baǵyttaryn talqylaýǵa, Kaspii aimaǵy elderi úshin biryńǵai aqparattyq orta qurýǵa arnalǵan biregei alań. Eki kún boiy paneldik pikirsaiystar, sarapshylardyń kezdesýleri men strategiialyq sessiialar ótedi.
Qatysýshylar tsifrlandyrý dáýirindegi mediatrendterge arnalǵan pikirtalastar barysynda tájiribe almasady.
Astrahandaǵy mereitoilyq forýmǵa Resei yntymaqtastyǵy uiymy, Eýraziia halyqtary assambleiasy, A.M.Gorchakov atyndaǵy qoǵamdyq diplomatiiany qoldaý jáne prezidenttik granttar qorynyń ókilderi jinaldy. Buǵan qosa, "Kaspii bestigi" elderiniń jetekshi buqaralyq aqparat quraldary - Birinshi arna, "MIR" telekompaniiasy, "Pobeda" telearnasy, Sputnik halyqaralyq aqparat agenttiginiń ókilderi qatysady.
V Kaspii mediaforýmynyń uiymdastyrýshysy – "Kaspii Eýraziia" halyqaralyq jáne qoǵamdyq-saiasi zertteýler ortalyǵy" qaýymdastyǵy. Al aqparattyq qoldaýdy Astrahan oblysynyń basshylyǵy kórsetip otyr.
Sharanyń seriktesteri - "Sever-Iýg" saiasattaný ortalyǵy men "Eýraziialyq monitoring" analitikalyq zertteýler ortalyǵy.
