Seisenbi kúni Tver oblysynda Sý-30 istrebiteli josparly oqý-jattyǵý ushýyn ótkizip jatqanda apatqa ushyrap, ushaq ekipajy katapýltalandy, dep habarlaidy TASS agenttigi.
«22 qyrkúiekte Tverskaia oblysynda josparly oqý-jattyǵý ushýyn ótkizip jatqan Batys áskeri okrýginiń Sý-30 ushaǵy apatqa ushyrady. Ekipaj sátti katapýltalanyp, jerge qonǵannan keiin ushqyshtar bailanysqa shyqty», - delingen habarlamada.
Okrýg málimeti boiynsha, qazirgi ýaqytta ekipaj músheleri evakýatsiialandy.
Málimet boiynsha, istrebitel ormandy jerge qulaǵan. «Ushaq ormandy jerge qulady. Jerde eshteńe qiraǵan joq», - dep atap ótti baspasóz qyzmeti.
Tótenshe jaǵdai sebepterin anyqtaý úshin ushaqtyń qulaǵan ornyna arnaiy komissiia shyqty.
