Foto: instagram.com/bryansk_official
Reseidiń Briansk qalasyndaǵy mektepterdiń birinde atys boldy, qaýipsizdik kúshteri ǵimaratty qorshaýǵa aldy.
BAZA Telegram-arnasynyń málimetinshe, 8-synyp oqýshysy kútpegen jerden atys shyǵarǵan.
Aldyn ala derek boiynsha, 8 "A" synybynda oqityn qyz biologiia sabaǵy ótip jatqanda oq jaýdyrǵan. Ol gimnaziianyń tórtinshi qabatyna kóterilip, synypqa kirip oq atqan. Tórt balany jaralap, keiin ózine qol jumsaǵan.
Reseilik BAQ málimetinshe, qyz ákesine tiesili myltyqty paidalanǵan.
Mash Telegram-arnasynyń jazýynsha, ol mektepte bastaýysh synyptan beri "qorlyq kórgen". Búgingi qaiǵyly oqiǵanyń bir sebebi osy bolýy múmkin, sebebi 8-synyp oqýshysy ul balalarǵa oq jaýdyrǵan.
"Oqiǵa ekinshi sabaqta, biologiia páni kezinde bolǵan. Alina qarýyn alyp, oq jaýdyrǵan sátte balalar partanyń astyna tyǵylmaq bolǵan. Muǵalimder qyzdy aqylǵa shaqyrǵanmen, ol áreketterinen eshteńe shyqpaǵan. Alinany qosqanda, eki adam qaza boldy, taǵy tórteýi jaraqat aldy", - dep jazady Mash.
Nazar aýdaryńyz, videoda balaǵat sózder aiytlǵan.
