Reseide "Set" tobyna qatysty qylmystyq is boiynsha aiyptalyp, Sankt-Peterbýrg qalasyndaǵy tergeý izoliatorynda otyrǵan Qazaqstan azamaty Viktor Filinkov ashtyq jariialady. Bul aqparatty "MBH media" saity habarlady, dep jazady Azattyq.
Filinkovtyń advokatynyń sózine qaraǵanda, onyń qorǵaýyndaǵy azamat Saiasi qýǵyn-súrgin qurbandaryn eske alý kúni saiasi tutqyndarǵa osylaisha qoldaý bildirgisi kelgen.
"Aiyptalýshy eshqandai talap aitqan joq" dedi advokat.
"Set" degen atpen belgili toptyń músheleriniń ústinen qylmystyq is 2017 jyly kúzde qozǵalǵan. Bul is boiynsha Penza men Sankt-Peterbýrgte 11 adam qamaýǵa alynǵan. Tergeý oryndarynyń dereginshe, bul toptyń músheleri Resei prezidentiniń sailaýy jáne álemdik fýtbol chempionaty (2018 jyly Máskeýde ótti) kezinde terakt josparlaǵan. "Qoǵam tynyshtyǵyn shaiqaltýǵa" tyrysqan, "qarýly kóterilis uiymdastyrǵysy kelgen".
Tórt aiyptalýshy, olardyń arasynda Viktor Filinkov ta bar, buǵan deiin "qylmysty moiyndatý" maqsatynda ózderin azaptaǵanyn, tergeý izoliatorynyń jertólesinde elektroshokermen qinaǵanyn aitqan. Bul is boiynsha aiyptalǵan bir azamat keiinirek kýágerler qataryna ótip, bosap shyqty. Ol Filinkovtyń áieli siiaqty jeke basynyń qaýipsizdigine alańdap, Finliandiiaǵa ketip qaldy. Sol jaqtan saiasi baspana suraǵan.
