Búgin túnde Resei Federatsiiasynyń Istra qalasynda ýaqytsha qamaý izoliatorynan bes adam qashyp ketti. Bul týraly TASS agenttigi habarlady.
Quqyq qorǵaý organdaryndaǵy málimet berýshiniń aitýynsha, qashqyndardyń biri - «Miasnaia imperiia» kompaniiasynyń qojaiyny Vladimir Marýgovtyń ólimine aiyptalǵan Aleksandr Mavridi. Qashyp ketkender arasynda Ivan Tsýrkaný, Aleksandr Býtnarý, Denis Grozavý jáne Nikolai Teteria esimderi bar.
Málimet berýshiniń aitýynsha, aiyptalýshylar tutqyndaý kamerasynda tamaq beriletin tartpany syndyryp, qulypty ashqan soń, artqy esikten shyǵyp qashyp ketken. Politseiler zardap shekpegen, qashqyndardyń qolynda qarý bolmaǵan.
Máskeý oblysy prokýratýrasynyń ókili Nataliia Grigorevanyń aitýynsha, tekserý barysynda Istra qalalyq prokýratýrasy túrmeden qashýdyń sebepteri men mán-jailaryn anyqtap, sondai-aq jaýapty laýazymdy tulǵalardyń áreketine baǵa berilmek.
