kórneki sýret
Resei Ýkrainanyń shyǵysyndaǵy ózi basyp alǵan jerlerden bes jastan 16 jasqa deiingi jetim balalardy áketip, olardy bala asyrap alǵysy keletin Resei azamattaryna taratqan. Ýkraina mundai áreketke kelisim bergen emes, dep jazady Azattyq.
"Verstka" basylymynyń málimetine qaraǵanda, bala asyrap alǵysy keletin Resei azamattary men jetim balalardy videobailanys arqyly júzdestirgen, olar alǵash ret Reseide ǵana kezdesken.
Jetim balalardy Máskeý qalasy men Máskeý, Voronej, Kalýjsk, Týla oblystary jáne Iamalo-Nenets avtonomdy okrýgine alyp ketken.
Balalarǵa Vladimir Pýtinniń jarlyǵymen jeńildetilgen protsedýra boiynsha Resei azamattyǵy berilgen. Bul jarlyq boiynsha, kámelet jasqa tolmaǵandardyń qamqorshylary balaǵa azamattyq berý týraly ótinish jasai alady.
