- 25 jeltoqsan kúni bolǵan apattyń sebebi anyqtalǵanǵa deiin, barlyq Tý-154-tiń ushýy toqtatyldy, dep habarlaidy RBK.
«RF Qorǵanys ministrligi Tý-154 áýe apatynyń tekseris jumystary aiaqtalǵanǵa deiin, atalmysh markaly ushaqtardyń barlyǵynyń ushýyn ýaqytsha toqtatý týraly sheshim qabyldady», - dep málim etti derekkóz. Derekkózdiń aitýynsha, qazirgi tańda osy úlgidegi ushaqtardyń shekteýli sany qoldanysta bolǵandyqtan, bul sheshim áýe tasymalyna kedergi keltirmeidi.
Budan buryn RF kólik ministri Maksim Sokolov Tý-154B-2 markaly ushaqtardyń tek Qorǵanys ministrligine qyzmet etip jatqandyqtan, ary qarai qoldaný týraly sheshimdi tek osy vedomstvo qabyldaitynyn málim etken. Onyń aitýynsha, azamattyq aviatsiia Tý-154M markaly ushaqty paidalanýda jáne kún tártibinde ary qaraý qoldaný týraly sheshim kún tártibinde turǵan joq.
Eske sala keteiik, 2016 jyldyń 25 jeltoqsanynda Astana ýaqyty boiynsha saǵat 08:27-de Tý-154 ushaǵy Sochiden ushqandaryna eki minýt ótkende radardan joǵaldy. Onyń bortynda úsh telearnanyń - NTV, «Zvezda» jáne «Birinshi» arnanyń túsirý toptary bolǵan. Apatqa ushyraǵan 92 adamnyń ishinde - toǵyz jýrnalist boldy. Olar Birinshi arnadan Dmitrii Rýnkov, Vadim Denisov pen Aleksandr Soidov, NTV-dan Mihail Lýjetskii, Oleg Pestov pen Evgenii Tolstov jáne «Zvezda» arnasynan Pavel Obýhov, Aleksandr Sýranov pen Valerii Rjevskii qaza tapty. Sonymen qatar, bortta áskeri qyzmetkerler, Aleksandrov atyndaǵy ansambldiń mýzykanttary, dári-dármekterdi Siriiaǵa alyp bara jatqan dáriger Elizaveta Glinka jáne Qorǵanys ministrligi mádeniet departamentiniń direktory Anton Gýbankov bar edi.
