27 qańtardan bastap Qazaqstanda ósirilgen qyzanaqtardy Reseide satylýyna shekteý alynyp tastalady. Bul týraly AShM habarlady.
«QR Aýyl sharýashylyǵy ministrligi Agroónerkásiptik keshendegi memlekettik inspektsiia komiteti Reseidiń Rosselhoznadzor qyzmetimen kelissózder júrgizip, «Green Capital Kazakhstan» JShS jáne «Green Land Alatau» JShS-niń qyzanaq jemisterinde qaýipti virýsy (Tomato brown rugose fruit virus nemese ToBRFV) boiynsha jylyjailardyń karantindik fitosanitariialyq jai-kúii týraly ózekti aqparatty usyndy», - delingen habarlamada.
Qazaqstan tarap usynǵan qujattardyń qorytyndysy boiynsha Rosselhoznadzor aǵymdaǵy jyldyń 27 qańtarynan bastap Resei Federatsiiasyna Aqtóbe jáne Almaty oblystarynan qyzanaq jemisterin alyp kelýge ýaqytsha shekteýlerdi alyp tastaityn boldy.
