Resei azamaty 4 jyl boiy Qazaqstannan zeinetaqy alyp kelgen, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, Shemonaiha qalasynda 4 jyl boiy Qazaqstannan zeinetaqy alyp júrgen Resei Federatsiiasynyń azamatshasy anyqtaldy. 63 jastaǵy áiel 2013 jyly Saratov oblysynda RF azamattyǵyn alǵan.
Alaida Qazaqstanǵa kelgende zańnamany elemei, QR azamatynyń qujatyn paidalanyp, zeinetaqy alyp keldi. Qazirgi ýaqytta ol Qazaqstan azamattyǵynan aiyryldy. Oǵan QR ÁQBtK-niń 496-baby boiynsha 100 AEK kóleminde aiyppul salyndy.
«Qos azamattyqpen júrýdiń negizgi sebepteriniń biri – karantindik shekteýler kezinde memlekettik shekarany kedergisiz kesip ótý jáne materialdyq artyqshylyqtarǵa ie bolý (zeinetaqy, balalardy týýy kezindegi járdemaqy, joǵary oqý oryndaryna túsý kezinde jeńildik sharttary). Jyl basynan beri 800-den astam adam Qazaqstan azamattyǵynan aiyryldy. Onyń ishindegi negizgileri – Resei Federatsiiasynyń azamattyǵyn qabyldaǵandar», - dedi departament bastyǵy Saǵat Mádiev. ⠀
Sonymen qatar qos azamattyǵy bar 85 adam ákimshilik jaýapkershilikke tartylǵan. Onyń ishinde sheteldik azamattyqty alý faktisi týraly belgilengen merzimde habarlamaǵany úshin – 24, Qazaqstan Respýblikasynyń pasporty men jeke kýáligin paidalanǵany úshin – 61 adamǵa aiyppul salyndy.
