Foto:@dnipropetrovskaODA
24 tamyz – Ýkrainanyń táýelsizdik kúnine qaraǵan túni Resei áskeri Dneprdi zymyranmen atty. Bul týraly Dnepropetrovsk oblystyq áskeri ákimshilik basshysy Sergei Lysak telegram-arnasynda jazdy. Jeti adam jaralanyp, onyń altaýy aýrýhanaǵa jatqyzylǵan.
Lysaktyń aitýynsha, kólik nysany, eki turǵyn úi, bank, janarmai quiý beketi, qonaq úi, agrofirma, jihaz shyǵaratyn kásiporyn men ákimshilik ǵimarat, budan bólek avtokólikter, avtobýstar, sý jáne gaz qubyrlaryna zaqym kelgen.
Resei áskeri qalaǵa birneshe zymyran atqan. Sergei Lysaktyń málimetinshe, onyń bireýi atyp túsirilgen.
Resei tarapy Dneprge jasalǵan soqqy týraly túsinikteme bermedi.
Beisenbige qaraǵan túni Resei qorǵanys ministrligi ýkrain drondary shabýyldaǵanyn habarlaǵan. Aqparatqa qaraǵanda, Briansk oblysynda eki dron, Kalýga oblysynda bir dron atyp túsirilgen. Óńir basshylary zardap shekkender joq dep málimdedi.
Ýkraina da drondar shabýyly jóninde eshteńe demedi.
