Lej turǵyny 10 jyl buryn barda tanymaityn adamnan 500 eýroǵa satyp alǵan sýrettiń quny 30 mln eýro turatynyn endi ǵana bildi, dep habarlaidy The Brussels Times gazeti.
«Shamamen 10 jyl buryn er adam Gerstal qalasyndaǵy barlardyń birinde qarjylai qinalyp júrgen adammen kezdeisoq jolyǵyp, áńgimelesken. Artynsha belgiialyq azamat óziniń jańa tanysyna qarjylai kómektesý úshin odan Iýsýs beinelengen sýretti 500 eýroǵa satyp alǵan», - dep jazady basylym.
Artynan er adam sýretti óziniń ónerge qyzyǵatyn tanysyna kórsetken. Ol bul sýretti satyp alynǵan baǵasynan áldeqaida qymbat ekendigin aitqan. Sýret saraptamaǵa jiberilip, quny 30 mln eýro dep baǵalandy. Mamandardyń aitýynsha, týyndyda Rembrandt van Reinniń jumystaryna tán erekshelik bar.
Rembrandt (Rembrandt Harmens van Rein, 1606-1669 jyldar) – gollandiialyq sýretshi, órnekshi, sáýle men kóleńke sheberi, gollandiialyq sýret óneriniń altyn ǵasyrynyń iri ókili.
