5 maýsymda Konstitýtsiiaǵa ózgerister men tolyqtyrýlardy qabyldaý máselesi boiynsha respýblikalyq referendým ótedi. Al 4 maýsymda saǵat 00:00-de referendým aldyndaǵy úgit júrgizý aiaqtalady, - dep habarlaidy "Ult aqparat" Bas prokýratýra baspasóz qyzmetine silteme jasap.
"Bul úgitke, sonyń ishinde qoǵamdyq pikirge suraý salý nátijelerin nemese referendým nátijeleri boljamdaryn jariialaýmen ushtasqanǵa referendým ótkiziletin kúnniń aldyndaǵy kúni jáne ol ótkiziletin kúni, iaǵni 4 jáne 5 maýsymda tyiym salynady (Konstitýtsiialyq zańnyń 7-babynyń 4-tarmaǵy)", - delingen habarlamada.
Osy kúnderi úgit júrgizilgen jaǵdaida Qazaqstan Respýblikasynyń Ákimshilik quqyq buzýshylyq týraly kodeksiniń 102-baby boiynsha jaýapqa tartylatyny aitylǵan.
"Eki nemese odan da kóp ret ne basqa bireý úshin daýys berý nemese ýchaskelik referendým komissiiasy múshesiniń azamattarǵa basqa adamdar úshin daýys berýge múmkindik berý maqsatynda daýys berýge arnalǵan biýlletenderdi berý ÁQBtK-niń 108 jáne 110-baptary boiynsha jaýaptylyqqa ákep soǵatynyna da nazar aýdaramyz.
Konstitýtsiiaǵa (83-bap) sáikes prokýratýra organdary referendýmǵa daiyndyq pen ony ótkizýdiń barlyq satylarynda zańdylyqtyń saqtalýyna joǵary qadaǵalaýdy qamtamasyz etedi", - delingen habarlamada.
