Reanimatolog-anesteziolog Tileýberdi Qýandyqov naýqastar jasandy tynys alý apparatyna qai jaǵdaida qosylatynyn aitty, dep habarlaidy QazAqparat.
Onyń aitýynsha, jansaqtaý bólimine túsken adamdardyń barlyǵy birden ókpeni jasandy jeldetý apparatyna qosylmaidy.
«Jasandy jeldetý apparatyna qosý májbúrlikten týady. Adam óz betimen dem ala almaǵan kezde. Jalpy jasandy tynys alýmen KVI infektsiialyq pnevomniiadan basqa birneshe aýrýlar bar. Ókpe aýrýlary, respiratorlyq distress sindrom bolǵan jaǵdaida 100 paiyz apparatpen demalady. Al esin bilmeitin naýqastar jáne bar. Botýlizm, poliomelit degen diagnozǵa shaldyqqandar uzaq ýaqyt jata berýi múmkin. Ýaqyty da ártúrli bolady. KVI pnevmoniiasynyń da óz aýyrlyq satysy bar. Neǵurlym aýyr bolsa soǵurlym uzaǵyraq jatady. Jeńil bolsa, qysqaraq jatady. Naýqas 5 kúnniń ishinde apparattan alynýy múmkin. Keide 1 ai nemese odan kóp jatatyndar bar», - dedi Tileýberdi Qýandyqov Almatyda ótken onlain brifing barysynda.
Reanimatologtar naýqasty jan-jaqty qoldaý úshin taǵy basqa túrli reanimatsiialyq sharalardy qabyldaidy.
«ÓJJ apparatynda jatqan adamǵa massaj, gimnastika jasalady. Ony vertikaldy qalypta jatqyzǵan nemese etpetinen jatqyzǵan tiimdi. Aýyr naýqastyń barlyǵy apparatta jatpaidy. Keide adam ózi demalýy múmkin. Biraq oǵan ottegi jetispeýshiligi báribir bolady. Oǵan ottegin qosamyz. Bul terapiia oksigenatsiia dep atalady. Odan bólek naýqasqa qajettiligine qarai virýsqa qarsy, bakteriiaǵa qarsy, gormonaldy, antikoagýliantty terapiia jasalýy múmkin», - dedi maman.
