Ramazan aiynda jasyl aimaqta ornalasqan meshitterge qoiylatyn talaptar belgili boldy. Ony búgin Qazaqstan musylmandary dini basqarmasy tóraǵasynyń orynbasary, naib múfti Ershat qajy Ońǵar jariia etti, dep habarlaidy QazAqparat.
«Biz qazirgi qiyn jaǵdaidy eskere otyryp, indettiń aldyn alý, saqtaný sharalaryn nazarǵa alyp qulshylyq máselesin úshke bóldik. Eń birinshisi jasyl aimaq, sary jáne qyzyl aimaqta ornalasqan oblys, qalalar úshin Juma, taraýih, aýyzashar ótkizýdiń tártibine toqtaldyq. Eń bastysy indettiń aldyn alý, saqtyq sharalary qatań eskerildi. Azamattarymyz da osy saqtyq sharalaryna basa mán berse eken», - dedi naib múfti Ortalyq kommýnikatsiialar qyzmetindegi brifing barysynda.
Osy rette Ershat qajy Ońǵar jasyl aimaqta ornalasqan meshitterge qoiylatyn talaptarǵa toqtalyp ótti.
«Bes ýaqyt namaz, juma namazy, taraýyq namazy men aýyzashar ótkizýdiń tərtibi: namaz oqityn zaldardyń kólemine qarai ýaqytymen zalalsyzdandyrý jumystaryn júrgizý; meshittiń kireberisinde turǵan antiseptikalyq quraldar men sanitaizerlerdi paidalaný; Taraýyq namazynda sanitarlyq talaptardy saqtaý, qysqa súreler oqý, aýa-raiy qolaily aimaqtarda múmkindiginshe meshit aýlasynda ótkizý; Taraýyq namazy ruqsat etilgen meshitterde Quran hatymdy (1 paradan asyrmai oqý) sanitarlyq talaptardy saqtai otyryp ótkizý; meshitterde namaz oqý (bes ýaqyt namaz, juma namazy, taraýyq namazy) bir adamǵa keminde 4 sharshy metr esebinen qashyqtyq saqtalǵan jəne toltyrylýy 30 paiyzdan aspaǵan kezde júzege asyrylady. Jasy úlken kisiler, densaýlyǵy nashar adamdar (er jəne əiel) jəne jas balalar namazdaryn úilerinde oqýy qajet. meshitke kirýge mindetti túrde betperde bolǵan jaǵdaida ǵana ruqsat etiledi. Meshit dərethanalaryn qoldaný barysynda araqashyqtyqty jəne santitarlyq talaptardy saqtai otyryp, múmkindiginshe tez dəret alǵan jón», - dedi ol.
Onyń atap ótýinshe, bul talaptar jergilikti bas sanitarlyq dərigerdiń sheshimine səikes ózgertilýi múmkin.
«Jasyl aimaqtaǵy meshitte Quran oqytýǵa qatysty tərtip te uqsas. Neke bólmelerindegi is-sharalardyń júzege asý tərtibi de qarastyrylǵan», - dedi naib múfti.
«Jasyl aimaqtaǵy meshitte Quran oqytýǵa qatysty tərtip te uqsas. Neke bólmelerindegi is-sharalardyń júzege asý tərtibi de qarastyrylǵan. Aita keterligi cary aimaqta ornalasqan meshitterge qoiylatyn talaptar da osylarǵa uqsas bolyp keledi», - dedi naib múfti.
