Ramazan aiynda qyzyl aimaqta ornalasqan meshitterge qoiylatyn talaptar belgili boldy. Ony búgin Qazaqstan musylmandary dini basqarmasy tóraǵasynyń orynbasary, naib múfti Ershat qajy Ońǵar jariia etti, dep habarlaidy "Ult aqparat".
«Qyzyl aimaqta ornalasqan meshitterge qoiylatyn talaptar sál qatańdaý bolady. Meshitte namaz oqityn oryndarǵa, aýyzasharǵa qatysty tərtip: bes ýaqyt namazdy tek jekelegen túrde oqý, iaǵni jamaǵatpen oqymaý; Namaz oqýshylardyń ara qashyqtyǵy 2 metr bolyp arnaiy belgilengen oryndarda oqý; Namaz oqityn zaldarda imamdar jəne namaz oqityn adamdar mindetti túrde betperdemen bolý; Oraza ustaǵan adamdarǵa múmkindiginshe aýyzashar qorjynyn jetkizip berý arqyly uiymdastyrý; Jasy úlken kisiler, densaýlyǵy nashar adamdar (er jəne əiel) jəne jas balalar namazdaryn úilerinde oqý. Taraýyq namazy oqylmaidy. Namaz oqyp bolǵan soń múmkindiginshe meshitten tezirek shyǵý kerek», - dedi naib múfti Ortalyq kommýnikatsiialar qyzmetindegi brifing barysynda.
Onyń atap ótýinshe, bul talaptar jergilikti bas sanitarlyq dərigerdiń sheshimine səikes ózgerip otyrady.
«Bul talaptar sizderdiń densaýlyqtaryńyzdy saqtaý maqsatynda jasaldy. Sondyqtan QMDB bekitken talaptarǵa túsinistik tanytyp, olardy oryndaýǵa shaqyramyz», - dedi Ershat qajy Ońǵar.
