Ramazan aiynda elorda meshitterinde keshki namaz jamaǵatsyz oqylady. Sondai-aq imamdar aýyzasharǵa qonaq shaqyrýdan bas tartý qajet degen pikirde, dep habarlaidy Nur-Sultan qalasy ákimdiginiń resmi saity.
Tótenshe jaǵdai jáne karantin rejimine bailanysty Ramazan aiy merekesi kezinde qoǵamdyq qaýipsizdikti qamtamasyz etý maqsatynda meshitterde dástúrli keshki taraýyq namazdary, aýyzasharlar ýaqytsha toqtatylady.
Qazaqstan musylmandary dini basqarmasynyń resmi paraqshalarynda meshit imamdarynyń qatysýymen Quran oqý boiynsha jáne Ramazan aiynyń basqa da sharalarynyń onlain-transliatsiialary ótedi. Pitir sadaqany Kaspi.kz qosymshasy arqyly joldaýǵa bolady. 2020 jyly pitir sadaqanyń jan basyna shaqqandaǵy mólsheri – 370 teńge boldy.
Pitir sadaqany durys joldaý nusqaýlyǵymen Qazaqstan musylmandary dini basqarmasynyń resmi paraqshasynda (muftiyatkz), Nur-Sultan qalasynyń Din máselelerin zertteý ortalyǵynyń paraqshasynda (elorda_cipr) nemese 33-30-30 senim telefony arqyly tanysýǵa bolady. 2020 jyly Ramazan aiy merekesi 24 sáýir men 23 mamyr aralyǵynda ótedi.
