Ulttyq testileý ortalyǵynyń direktory Ramazan Álimqulov UBT-da eń joǵary baldy jinaǵan almatylyq túlekke iPhone satyp aldy.
Álimqulov biylǵy jyldyń mamyrynda UBT-nyń on bes jyldyq mereitoiy qurmetine alǵash bolyp eń joǵary ball jinaǵan túlekke syilyq jasaitynyn málimdegen edi. Ulttyq testileý ortalyǵynyń basshysy Almaty qalasyndaǵy №123 mektep-gimnaziianyń túlegi Shiara Ábdirahymqyzy Qudaibergenova Ulttyq biryńǵai testileý kezinde eń joǵary 140 baldy jinaǵanyn esti sala, ýádesin oryndaýǵa asyqty, túski úzilis kezinde gadjet satyp alýǵa bardy.
"Biyl eń joǵary deńgeige jetkenimizge qýanyp otyrmyz. Bul qýanyshty kúndi ótken jyly testileýdiń jańa formaty engizilgennen beri kútip júrgen edik. Ýádemdi oryndap, telefondy satyp aldym, endi syilyqty tapsyrý úshin Shiaramen kezdesýdi kútemiz", – dedi Ramazan Álimqulov Sputnik tilshisine.
Smartfondy tapsyrý úshin almatylyq túlek Astanadaǵy qorytyndy baspasóz konferentsiiasyna shaqyryldy. Eger ol elordaǵa kele almai qalǵan jaǵdaida syilyqty ulttyq testileý qyzmetkerleri aparyp beredi.
"Shiaraǵa sáttilik tileimin. Ol úlken ómirge qadam basyp jatyr. Qajetti mamandyqty tańdap, jaqsy maman bolyp shyǵýyna tilektespin. Al onyń bilimi men tájiribesi elimizdiń damýyna septigin tigizedi degen oidamyn", – dedi Ramazan Álimqulov.
Ulttyq biryńǵai testileý 20 maýsymda bastalǵan. UBT-ny biyl 102 447 túlek tapsyrady.
