Sottalǵan Qazaqstannyń burynǵy premer-ministri Serik Ahmetovke qatysty raqymshylyq boiynsha jazasyn óteý merzimin qysqartý týraly ótinish kelip tústi, dep habarlaidy Ult.kz tilshisi QazAqparat agenttigine silteme jasap.
«QR Táýelsizdiginiń 25 jyldyǵyna orai raqymshylyq jasaý týraly» QR Zańyn qoldanysqa engizilgen kúnne bastap Serik Ahmetovtiń jazany oryndaý orynynan onyń jazasynyń ótelmegen tórtten bir bóligin qysqartý týraly usynym kelip tústi. Bas bostandyǵynan aiyrý organdary Ahmetovtyń ótinishi boiynsha qoldaýhat jibergen. Ótinish búgin kelip tústi. Is sotqa jiberilip, qaraý ýaqyty belgilenedi», - dep málim etti Abai aýdandyq sotynyń BAQ-pen jumys úilestirýshisi Ardaq Jumashev.
Eske sala keteiik, 2015 jyly jeltoqsan aiynda Qaraǵandy oblysynyń qylmystyq ister jónindegi mamandandyrylǵan aýdanaralyq soty burynǵy premer-ministr S. Ahmetov pen basqa da laýazymdy tulǵalarǵa qatysty is boiynsha úkimi shyǵardy.
Atalmysh is boiynsha 7 túrli epizodqa sáikes barlyǵy 21 adam aiyptalǵan bolatyn. Sot talqylaýy 2015 jylǵy 10 tamyzda bastalyp, tórt aiǵa sozyldy. Sot tergeýi men sot jaryssózderi 2015 jylǵy 9 jeltoqsanda aiaqtaldy.
Qaraǵandy oblystyq sotynyń qylmystyq ister boiynsha apelliatsiialyq soty 2016 jyldyń 14 naýryzda jemqorlyq qylmystyq iske qatysty sotty bolǵan 11 adamnyń jazasyn jeńildetti. Sonyń ishinde Serik Ahmetovtiń jazasy 10 jyldan 8 jylǵa deiin azaityldy.
