Rio-de-Janeirodaǵy Olimpiada oiyndarynyń qola júldesheri mysyrlyq Mohammed Mahmýd qazaqstandyq chempion Nijat Rahimovtyń qanynda doping bar degen tuspalyn aitty, - dep habarlaiy Eurosport. Sportshy Rahimovtyń tyiym salynǵan preparattardy qoldanǵany úshin alyp qalǵan diskvalifikatsiiasynan keiin 2015 jyly pomostqa oralǵan soń kórsetkishteri tym jyldam ósip ketken dep kúmándandy.
"Doping-baqylaýdan ótkennen keiin keibir jaǵdailar ózgerýi múmkin. Az ýaqyttyń ishinde eshteńe sheshilmeidi", - dedi Mahmýd.
Al qytailyq BAQ-tar Rahimovtyń alǵan altynyn Qytaiǵa berý kerek dep shýlap jatyr eken. Aitýlarynsha, qazaqstandyq aýyratlet ziltemirdi kótergen soń qozǵalaqtaǵan. Alaida kúmis júlde alǵan qytailyq sportshy Liýi Siaotsziýn "óziniń ádil jeńilgenin" málimdep otyr eken.
Aita keteiik, Mysyr sportshysy Mohammed Mahmýd 361 upaimen úshinshi oryn alǵan edi. Al kúmis medal 2012 jylǵy Olimpiadanyń jeńimpazy qytailyq Liýi Siaotsziýnge buiyrdy. Ol julqa kóterýde jańa álem rekordyn jańartty (177 keli), biraq ol Rahimovtan qosymsha kórsetkishter boiynsha jeńildi, - dep jazady Vesti.kz.
