Rahat Bekbolattyń shyǵýymen qazaqstandyq komandanyń Ózbekstan astanasynda ótip jatqan aýyr atletikadan jasóspirimder men jasóspirimder arasyndaǵy Aziia chempionatynda óner kórsetýi aiaqtaldy, dep habarlaidy "Ult aqparat".
Qyzylorda aýyr atletika mektebiniń tárbielenýshisi qossaiys qortyndysy boiynsha 356 keli (158+198) kóterip, qarsylasynan 14 kelige ozyp ketti. Osylaisha, 17 jasqa deiingi jasóspirimder men 20 jasqa deiingi jastar arasynda chempion atandy. «Serpe kóterý» jattyǵýynda jasóspirimder arasynda álemdik rekord ornatty.
Ekinshi oryn irandyq Abolfazi Haknýrda – 342 keli (154+188), úshinshi oryndy ózbek Azimdjon Hodjiev ielendi, ol qossaiys qorytyndysy boiynsha 333 keli kóterdi (152 + 181).
Aýyr atletikadan jastar men jasóspirimder arasyndaǵy Aziia chempionatyna Aziia qurlyǵynyń 20 elinen 14 áielder jáne 18 erler komandasy qatysty.
Qazaqstannan 10 sportshy qatysqan bolatyn, olardyń barlyǵy júldeli oryndarǵa ie boldy. Jalpy, bizdiń komandada 9 altyn, 2 kúmis jáne 3 qola medal bar.
