Kórneki foto: pixabay.com
Rahat Álievtiń týysqanyna tiesili qus fabrikasy memleket menshigine qaitaryldy. Mundai sheshimdi Almaty oblysy Talǵar aýdanynyń soty jergilikti prokýratýra talap-aryzy boiynsha shyǵardy, - dep habarlaidy Tengrinews.kz Almaty oblysynyń prokýratýrasyna silteme jasap.
Áńgime Livan týmasy Issam Salah Horani týraly bolyp otyr. 1998-2008 jyldar aralyǵynda onda Qazaqstan tólqujaty bolǵan, qazir Palestina azamaty. Ol - American Investments inc. amerikandyq korporatsiiasynyń prezidenti, sonymen qatar Rahat Álievtiń qaryndasy Gúlshat Horanidiń kúieýi. 2008 jyldan beri Horani Interpol arqyly Shveitsariia men Livanda, sondai-aq Qazaqstanda bopsalaý deregimen jasaǵan qylmystary úshin izdeýde bolǵan.
Talǵar aýdanynyń prokýratýrasy buǵan deiin Jalqamys qus fabrikasyn jekeshelendirýdi jaramsyz dep taný jáne ony memleket menshigine qaitarý týraly talap-aryz túsirgen bolatyn.
1999 jyly aktsiialardyń memlekettik paketi (90 paiyz) amerikandyq American Investments Inc. korporatsiiasyna syiǵa tartylǵan.
"1999 jylǵy naýryzda Talǵar aýdanynyń ákimdigi "Aq-qanat" AQ-nyń paidalanýyndaǵy jerdi amerikandyq korporatsiia paidasyna - jalpy aýdany 665,4 gektar 4 jer ýchaskesin - bes jylǵa shyǵarý týraly sheshim shyǵardy. Sol jyldyń qazanynda alynǵan 665,4 gektar jerdiń 56 gektary "Altyn-Aidar" JShS-ne berildi", - delingen qujatta.
Al 2001 jyly Talǵar aýdanynyń ákimdigi American Investments Inc. kompaniiasynan "Altyn-Aidar" JShS paidasyna 609 gektar jerdi paidalanýdan shyǵarǵan. Bul jerler 6 jer telimine bólinip, 2002 jyly Talǵar aýdany ákimdigi men "Altyn-Aidar" JShS arasynda 49 jylǵa tiisti jalǵa berý sharttary jasalǵan.
"Muraǵat málimetterine sáikes, Almaty aýmaqtyq memlekettik múlik jáne jekeshelendirý komiteti men American Investments inc. amerikalyq korporatsiiasy arasynda qus fabrikasyn óteýsiz berý týraly shart jasalmady, óndiristi damytýǵa jáne kreditorlyq bereshekti óteýge investitsiialar engizýdiń biznes-jospary ázirlenbedi jáne ýákiletti organǵa berilmedi. Qus fabrikasy 29 jyl boiy jumys istemeidi, onyń resýrstary óte qiyn jaǵdaida, aýylsharýashylyq tehnikasy men kólik quraldary eskirgen, qurylystarǵa aǵymdaǵy jáne kúrdeli jóndeý júrgizilmegen, investitsiialar salynbaǵan, salyq bereshegi bar.
Qus fabrikasynyń múlkin ielikten shyǵarý deregi ýaqtyly anyqtalǵan kezde Almaty memlekettik múlik jáne jekeshelendirý aýmaqtyq komiteti memlekettik múlikti memleketke qaitarý jóninde sharalar qabyldaýǵa mindetti boldy, alaida bul oryndalmady, osyǵan bailanysty prokýror memleket múddesi úshin talap qoidy", - dedi prokýrorlar sotta.
Sot is materialdaryn zerdelep, aýdan prokýratýrasynyń talap aryzyn qanaǵattandyrdy. Sóitip, qus fabrikasy men onyń jerleri memleket menshigine qaitaryldy.
