Qyrǵyzstanda Tez Jet áýe kompaniiasyna tiesili jolaýshylar ushaǵy ushýǵa ekpin alyp bara jatqan kezde artqy shassileriniń biri synyp, áýe kemesi sol jaq qanatyna qisaiyp qalǵan, dep habarlaidy ult.kz.
Qyrǵyzstan áýejailarynyń málimetinshe, ushaq áli áýege kóterilip úlgermegen. Ushqyshtar ekpin alý kezinde áýe kemesin der kezinde toqtatyp, yqtimal iri apattyń aldyn alǵan.
Ushaq bortynda 181 jolaýshy bolǵan. Oqiǵa saldarynan keibir jolaýshylar jeńil jaraqat aldy. Zardap shekkenderdiń barlyǵyna meditsinalyq kómek kórsetildi.
Tótenshe jaǵdaidan keiin ushý alańyna aviatsiialyq kerosin tógilip, oqiǵa ornyna órt sóndirý qyzmetteri jumyldyryldy. Qazirgi ýaqytta áýejaidaǵy barlyq reister ýaqytsha toqtatylǵan.
Mamandar tógilgen kerosindi tolyq tazalap, ushaqty arnaiy tehnikamen evakýatsiialaǵannan keiin ǵana áýe reisterin qabyldaý jáne jóneltý jumystary qaita jalǵasady.
