Pavlodar oblysynda qutqarýshylar Ertis ózeninen eki adamnyń máiitin alyp shyqty. Olardyń biri – Resei Federatsiiasynyń azamaty, ekinshisi – birneshe apta buryn iz-tússiz joǵalǵan áiel, dep habarlaidy ult.kz.
"Nasha Jizn" portalynyń jazýynsha, oblystyq tótenshe jaǵdailar departamentiniń jedel-qutqarý jasaǵy Ertis ózeninen 1990 jyly týǵan Resei azamatynyń denesin tapty. Aldyn ala málimet boiynsha, er adam 28 mamyr kúni sýǵa túsip, batyp ketken.
TJD málimetinshe, ol dostarymen birge ózen jaǵasynda demalyp júrgen kezde sýǵa shomylýǵa kirip, artynsha kózden ǵaiyp bolǵan. Izdeý jumystary birneshe kúnge sozylyp, máiit sýǵa batqan jerden shamamen eki shaqyrym tómen ornalasqan avtogýj kópiri mańynan tabylǵan.
Sondai-aq Ertis aýdanyna qarasty Irtyshsk aýylynyń mańyndaǵy ózen salalarynyń birinen 1990 jyly týǵan áieldiń máiiti shyǵaryldy. Áiel 18 mamyr kúni belgisiz jaǵdaida sýǵa batyp ketken bolatyn.
Aita keteiik, buǵan deiin Qaraǵandy oblysynda Fedorov sý qoimasynda eki úndistandyq stýdent sýǵa ketip, qaza tapqan edi. Qutqarýshylar olardyń denelerin jaǵadan 15 metr qashyqtyqta jáne shamamen bes metr tereńdikten tapqan.
Mamandar turǵyndardy tek arnaiy jabdyqtalǵan oryndarda shomylýǵa jáne sýdaǵy qaýipsizdik erejelerin qatań saqtaýǵa shaqyrady.
